MANJUAL HINPUN


MANJUAL HINPUN
Nable ‘Ungah’ El-Faroqy, Banjarmasin

Takisah Amang Kumba nang hanyar baisian hinpun, supaya nang kaya urang juwa tuh. Hinpunnya ni kada pang nang harat banar, si imin C45 ja pank. Saban hari mautak atik hapi makanya am 6 kali sahari mances. Lawan juwa sidin ni amunnya bajalan kada mau lalu mambuat hapi tu dalam kantung baju atawa kantung salawar, pasti diingkuti sidin tarus (inda musni, eh musti..pokoknya nang kaya baisin hapi blikbiri tu pang dah).

Suatu hari bingung si Amang Kumba neh. Hinpun sidin ne te kada mau manalipun wan kada mau ma is-im-is. Mauk banar sidin, bajalan ae Amang Kumba ni tadi ka gardu wadah takumpulan bubuhan pamudanya. “Nang, kanapa yu hapi ku ni kada mau manalipun atawa ma is im is?” ujar Amang Kumba manakuni Anang. “Haw….kanapa mang bisa kaya itu?” ujar Anang sambil maulu-ulu. “Kada tahu juwa Nang ae, jangankan manalipun atawa ma is im is, ma iskol ja da mau” ujar Amang Kumba inda pusang. “Mainjam pang Mang ulun malihatakan hapi pia”” ujar Anang pulang. Kada lawas, tatawa am Anang mangalakak. “Haw kanapa Nang maka ikam tatawa?” ujar Amang Kumba. “Pulsanya habis mang ae nyata ae dakawa baapa-apa” ujar anang sambil lucut tatawa. “Oh damintu ah nang…? Nah, mun pian ndak manalipun Mang ae diisi pulsanya tu, di warung Iday tu ada bajual” ujar Anang. “Tapi aku ni pas kakaringannya dimapa lah? ujar Amang Kumba. “Mun kaya itu pian jual hinpunnya duitnya tukarakan ka pulsa” ujar Anang sambil tatawa. “Nah bujur juwa ikam nang lah, kawa banyak ma isi pulsa lah” Amang Kumba pina himung.

Imbah itu lagsung sidin ka pasar manjual hinpun tadi, kada lawas datang ka punsil Dayat. “Day isiakan pulsa Amang nang isi saratus lah” ujar Amang Kumba. “Enggeh” jar Iday. Kada lawas, “Nah sudah takirim Mang ae, masuk lah dah?” jar Iday. “Tahuam” ujar Amang Kumba. “Adalah sms masuk di hapi pian?” ujar Iday manakuni. “Nah am..hapinya dah ku jual tadi, kartunya ada ae”. “Ae…kaya apa pian batalipunan wan ba is im san wan gandak Mang?” ujar Iday sambil tatawa. “He eh lah, ni gara-gara maumpati saran Anang nang pina bubungulan tadi pang, manyuruh manjual hinpun gasan ma isi pulsa,…hadang ikam nang lah” jar Amang Kumba sambil manyanyarik. “Pian kah nang bungul, anang kah nang pintar” ujar Dayat dalam hati.

wkwkwkwkwkwkwkwkwkwkwkwkwk

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s