KALAH JAGAU


KALAH JAGAU
Oleh: Nable ‘Ungah’ El-Faroqy.

Di sabuah pasar banyak urang bajualan saraba macam. Ada bajual sayur, makanan, minuman dan banyak lagi nang lainnya. Di pasar nitu rupanya kada tarlalu aman, karena ada bubuhan pariman pasarnya. Satiap minggu ada haja managih ka kius-kius…ka lapak-lapak urang bajualan, maka kada tatinggal mandau.

Singkat kisah singkat tali salawar, takisah ae Julak Amuy. Sidin orang pandatang yang handak bausaha di pasar nitu tadi. Sidin ini rancananya handak bajual sasangaan (red.: guringan) nang kaya tahu isi guring, timpi, gumbili basanga (ardat), sukun, pisang, wan lain sabagainya. Kalawasan mancari, akhirnya ta’ulih juwa sidin (Julak Amuy) lapak gasan bajualan guguringan tadi. Mulai ai sidin ba’usaha…

Kada sampai saminggu sidin bajualan didatangi pariman pasar sudah, napa mun dilihat priman pina laris banar jualan sidin naya. Singkat kisah…mandatangi ae pariman ni tih ka wadah jualan Julak Amuy.

“Ehem…ehem… berapa pisang guring satangguk?” ujar priman tadi batakun sambil manggantalakan mandau ka panggalangan wan ka gulu. Malihat naitu lalu Julak Amuy ni tadi kada handak kalah. “Saribu sabuting” jar sidin (pina balarang pada nang rajin) sambil maharu sasangaan sidin di dalam rinjing lawan tangan wara. Malihat naitu pancat sampai ka tahi-tahi priman tadi. “Lamun kaya itu ulun umpat nukar sapuluh buting haja, ni duitnya 15 ribu, ambil ha pian angsulanya” sambil bahancap langsung bulik kada sing padahan.

THE end

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s