KADA WANI BASAPIDA MUTUR


KADA WANI BASAPIDA MUTUR
Oleh: Helwatin Najwa, Kota Baru

Masnah bini julak Adum wayahini kada mau lagi basapida mutur. Julak bingung banar, kanapa nang bini jadi kaya itu. Mun handak tulak ka pasar minta antar tarus. Padahal hari-hari nang bini tulak ka pasar, lalu ae julak rancak talambat datang ka sakulahan.

“Kanapa garang ding ikam wahini kada mau mambawa repo ikam saurang?” Julak manakuni nang bini. “Kada pa-pa ae” nang bini manyahut sambil mangupas bawang. Kada lawas tadangar sidin mangisak, lilihan banyu mata. Julak takajut malihat. “Ai ai, umanya kanapa garang ikam ni? Jar kada pa-pa tapi kanapa manangis? Mun ada masalah bapadah haja jangan dipandam” Julak manggamati. “Siapa nang manangis abahnya? Urang ja mata ulun padih bakas mangupas bawang”. Takurinyum julak Adum mandangar, dalam hati inya basyukur nang bini kada sarik. Sidin takutan banar amun disariki bini. Mun sarik nang bini bisa kada mambari makan wan mamam-mamamnya. “Ba’arti kawa aja malam ini mamam” jar julak himung dalam hati. “Kanapa kada mau basapida mutur lagi ka pasar? Aku disariki kapala sakulah talambat tarus pang ka sakulah salang ma’antar ikam” baucap julak Adum pulang. “Takutan kana razia abahnya ae!” “Maka langkap haja samunyaan ampun ikam tu, SIM ada, STNK ada, sapiun dua, hilim gi’im ha pulang, napa nang ditakutanakan?” “Ui kada tahu kah pian, pulisi wahini pina malanji banar, bisa malakuakan palicihan siksual!” “Haw haw, jar siapa?” Naik sisingut julak mandangar nang bini baucap. “Kurang ajar banar! Waninya pulisi ma’anu biniku”. “Ulun mandangar si Jubai dirazia pulisi, jarnya dipariksa sampai ka pantil-pantil. Hih jauhkan balaa ulun kana razia pulisi”.

Mandangar nangitu julak Adum tanganga sing lawasan. hanyar manggalagak sidin tatawa.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s