JAWARA SAPARU


JAWARA SAPARU
Oleh: Yusran, dari Banjang, Amuntai (haji_iyus@yahoo.co.id)

Takisah orang udik nang handak tulak ka kota, ngaranya Turijul bin Kursani. “Turijul, bila kam ndak tulak ka kota kaina….” ujar abahnya bapasan “Hati-hati ikam, apabila handak batutukar barang atawa pakaian, karna di kota orang maandak haraga larang, ikam harus manawar saparu, kalo perlu labih pada saparu.” “Beres, Bah ai, ulun kada betaha tatipu biar kada suah ka kota ne ulun ngarti haja, orang gen tahu ai” ujar Tarijul. “Ingatakan lah tawar saparu trus…!” jar Abahnya. “i ih hah orang gen tahu ai.” Akhirnya tulakae Tarijul ka kota Banjarmasin.

Sampai ka Banjarmasin parut Turijul lapar, singgahai inya di warung makan, “Cil berapa nasi sapiring” jar Turijul manakuni. “5000” ujar acil manyahut. “2500 haja lah” Turijul manawar. “Ouuuuuu kada kawa, barugian kami” jer acil warung menyahut. Kada jadi makan Turijul, betakun pulang ka warung subalah, ditawarnya pulang saparu, kada mau jua orang, tapaksa Turijul manahan lapar. “Biar mati kalaparan aku kada handak makan, tiwas kada mau di tawar!”ujar Turijul sambil bejalan manuju pasar ndak manukar baju pulang, pilih-pilih baju.

Habis mamilih-milih baju, batakunai Tarijul, “Mang, berapa harga baju neh?” “50000” jer Amang. Manawar pulang Tarijul, “25000 ja lah?” “Ou….kada kawa mun 25000, lamun ikam handak jua biaram 40000 ambil” jer amang. Ujar tarijul pulang, “22500 haja Mangai?” Takajut ai Amang, “Aiiiii kanapa jadi baturun manawar, tadi 25000, kaya ini ha mun kam handak bayari kam 40000” jer Amang. Sakalinya Turijul manawar pulang “20000!!!” Takajut ai amang sambil beucap, “Ai ai ia ne kanapa pulang jadi beturun ikam manawar, kam ne menawar kah mambawai bekalahi kah?” ujar Amang pina rangut-rangut muha. Lakasai Turijul manyahuti, “Ulun kada wani bekalahi, ulun ingat pasan abah, di kota bila belanja tawar separu” mandam Amang sambil bepikir. Bapander Amang kaeni, “Baju ne ku tawarakan 100000”. Behancap Tarijul manawar “50000 mangai?”
“Akur” jer Amang. “Berapa kam ndak meambil” Lalu jer Turijul, “2 berapa Mang?”
“100” jer Amang “Na 50 ja Mangai?”
Bediri ai Amang, “Munyak ikam ne, orang gila sakalinya, bejauh jin bangsat” Amang bemamai wan Turijul. Pucat Turijul katakutanan lakas bejauh.

SELESAI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s