HAYAM BAHERA


Hayam Bahira
Oleh: Ferry 79

Hari itu Amang Maran sibuk banar betutukar paring. Kada alang-alang ma-nalu bica sidin maangkut paring. Imbah tuntung manurunakan paring matan di bica, duduk ai sidin di palataran, sambil mahirup banyu teh. Kaya jagung ganalnya paluh sidin, napa mun saurangan haja manggawinya.

Kada lawas datang minantu sidin nang bangaran Itab. Malihat mintuha duduk ka-uyuhan, ba-ucap ai si Itab merawa sidin.
“Banyaknya pang bah pian manukar paring, gasan apa?” ujar Itab.
“Tanang haja ikam Tab’ai, aku handak ba-ulah kurungan hayam” ujar Amang Maran.
“Tapi… napa banyak banar bah?” ujar Itab
“Rencanaku, barumahan ini handak kupagar sakulilingan, jadi kurungan hayam, nyaman hayamnya kada kaluar lagi, apa mauk banar hayamnya bahira ka sana ka mari” ujar Amang Maran menjelasakan wan Itab. “Tapi bah ai,… biar pian kandang rapat barumahan ini, tatap ai bila hayamnya bahira keluar” ujar Itab.“Kada mungkin”, ujar Amang Maran mangarasi. “Pagarnya ku-ulah rapat-rapat”, jar Amang Maran lagi. “Mun hayam bahira kada kaluar, kaya apa’am bah?” ujar Itab.
Mendengar penjelasan Itab kaya itu, ma-hancap diambil sidin sandal gapit, lalu malipak ditawak’kan sidin kana balukuk Itab. “Dasar minantu kurang ajar”, jar Amang Maran sing hamuk.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s