MINYAK BINTANG


MINYAK BINTANG
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

Banda-Banda Baapuah Borneo "Minyak Bintang"

Jakanya ada panilitian nang khusus mangklasifikasi macam-macam banda ba’apuah, kira-kira di Indoensia nang paling banyak bangat baisian banda ni tu. Salah satu pulau nang baisi macam-macam banda ba’apuah ni tu yaitu di Pulau Borneo na ya. Janis benda-benda ba’apuah nang dimaksud tu tie macam-macam bantuknya, ada nang tumatan kayu atawa wasi ada jua nang bantuknya cair nang tumatan minyak, tantunya kagunaannya gen babida jua.

Salah satu banda ba’apuah nang babantuk cair ni tie nang tarkanal di Borneo yaitu “Minyak Bintang” ada jua urang nang mangaraninya “Minyak Rambai Bintang”. Apuah minyak ni tie supaya urang nang mauntal minyak na ya tahan gantal, tahan timpas, tahan sodok (kabal dari sanjatan tajam).

Lantaran ada apuahnya kaya ni tu, kada sadikit urang nang mancari minyak nangini. Sacara pasti balum ada sajarah wayah pabila urang manganal minyak ni tu, lamun sabalum kerajaan Islam berdiri di Pulau Borneo na ya urang-urang sudah mangenal minyak bintang ni tie. Maulah Minyak Bintang ni tie kada nyanyamanan, kada nang kaya maulah minyak lainnya, wan urang nang maulahnya ni tu gen kada sambarangan.

Urang nang kawa maulah minyak ba’apuah ni tu urang nang baisi ilmu kabathinan nang tinggi.
Maulah Minyak Bintang ni tie harus malam jum’at sakitar pukul 10 malam di lapangan tarbuka. Panambayannya harus disadiakan 41 biji kaminting, limbah ni tu dihadangi sampai ada talihat bintang nang gugur tumatan langit. Wayah ada bintang nang gugur di langit lalu sabiji kaminting dipacahakan, imbah ni tu dihadangi pulang sampai ada lagi bintang nang gugur tumatan langit. Pabila ada, lalu sabiji pulang kaminting dipacahakan, damintu satarusnya sampai 41 biji kaminting ni tu pacah samunyaannya.

Imbahnya 41 biji kaminting ni tu pacah barataan, hanyar dimasak supaya jadi minyak. Nang mamasak ni tie harus babinian nang kada kawa haid lagi, wan syarat nang lainnya harus mamakai kayu bakar mamasaknya, kada bulih pakai minyak gas. Kayu nang hagan kayu bakar ni tu gen kada bulih ditatak pakai sanjata tajam, jadi harus dipatahakan pakai tangan atawa batis haja munnya handak ditatak.

Paharatan mahadangi kaminting tadi jadi minyak, salajur dibacakan matra-matra. Mantra nang dibacakan ni tu kada sambarang mantra jua. Khusus hagan baulah Minyak Bintang ni tu, matra nang dipakai mamakai bahasa Suryani (bahasa alam gaib).

Pabila kaminting tadi sudah jadi minyak wan sudah dibacakan mantra, lalu minyak ni tu dibuat ka butul halui wan siap dipakai. Minyak Bintang ni tie kada bulih dibawa masuk ka dalam rumah wayah siang ari,jadi harus mehadangi sampai bintang mancungul di langit hanyar minyak ni tu kawa dibawa masuk ka rumah wan maandaknya harus di atas.

Munnya minyak nangini handak diuntal, palitkan haja kapas ka minyak ni tu lalu diuntal wan pisang amas, lamun sabalum mauntalnya harus mambaca Bismillahirohmanirohim wan dua kalimat syahadat.

Ciri-ciri Minyak Bintang nang asli, kada kawa manyatu wan minyak nang lainnya, munnya kawa manyatu jua, pasti haja Minyak Bintang nang di atas. Pantangan nang mamakai minyak nangini, kada bulih bazinah, mabuk-mabukan, takabur, wan kada bulih tamakan pisang amas. Munnya malanggar pantangan ni tu, apuah Minyak Bintang pasti ruah. Munnya tamakan pisang amas, sacara langsung Minyak Bintang nang sudah mandarah daging di awak ni tu takaluar dari muntung babantuk gumpalan darah.
Minyak Bintang ni tie tamasuk “Ilmu Putih” nang artinya kada apa-apa munnya handak diuntal, lantaran bahan-bahan nang diulah hagan minyak ni tie tumatan tumbuh-tumbuhan (kaminting) wan harus mambaca Bismillahirohmanirohim wan dua kalimat syahadat. Babida wan minyak gajah atawa minyak kuyang dllnya nang prusis maulahnya parantara iblis.

Nang panting wan harus diingat munnya mamakai minyak nangini tagatung hagan apa manggunakannya wan sudah tantu samunyaannya ditantuakan ulih Allah SWT.

About these ads

19 gagasan untuk “MINYAK BINTANG

  1. saya mau tanya apakah minyak bintang bisa di gunakan untuk penyakit dalam (seperi hepatitis b atau gangguan di daerah kena virus )???? dan kira2 berapa harga nya ????

Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s